又系《韩剧榜》时候喇，宋仲基同宋慧乔主演嘅《太阳的后裔》上星期大结局喇，相信大家都好唔舍得。而今集为大家介绍嘅剧集就系张根硕主演嘅《大扑》，张根硕剧中饰演拥有皇室血统嘅贱民，仲要同王子吕珍九争夺王位！两人除咗争王位，仲要争埋女，齐齐争夺由林智妍饰演嘅女剑客芳心，真系有排斗呀！呢套剧系28岁嘅张根硕入伍前嘅最后一击，佢今次劲落力去演，仲生吞活生生嘅蛇，观众都赞佢专业呀！

而今集嘅韩星小百科，就同大家讲吓吕珍九啦，佢今年18岁卜卜脆，但个样就劲成熟，加埋把Man爆嘅声线，完全唔系18岁呀！佢仲好Enjoy啲姐姐粉丝叫佢Oppa添！最后，主播Sara仲会教大家问候人嘅韩语，大家快啲去去学嘢啦！